ဦးကျော်ဇံသာခင်ဗျာ
တပ်မတော်အကြောင်း ကျနော်တို့ နောက်တစ်ကြိမ် ဆွေးနွေးဖြစ်ကြပြန်ပြီဗျို့။
တပ်မတော်တွင်းမှာ မျိုးဆက်ကွာခြားလာမှုကြောင့် စဉ်းစားတွေးခေါ်မှုအပိုင်းလည်း အရင်ကနဲ့မတူ ကွဲပြားခြားနားမှု ရှိလာပြီလို့ လွန်ခဲ့တဲ့ ၁ နှစ်လောက်က ကျနော်ပြောခဲ့ဖူးပါတယ်။ ခုလည်း ဒီအတိုင်းပဲ ယုံကြည် ပါတယ်။
ယခုအခါ တပ်မတော်ခေတ်မီတိုးတက်ဖို့ရည်မှန်းချက်နဲ့ ပြည်ပကို တာဝန်ပေးစေလွှတ်ခံရတဲ့ အရာရှိ/စစ်သည်တွေ ပိုမိုများပြားလာတာနဲ့အမျှ ကမ္ဘာကြည့်ကြည့်နိုင်တဲ့ အခွင့်အလမ်းလည်း သူတို့မှာ ရှိလာပါတယ်။ အိုင်တီခေတ်က တပ်မတော်သားအားလုံးကို ချန်ထားလို့မရပါဘူး။ အနည်းဆုံးအနေနဲ့ ပြည်ပရောက်ခိုက်မှာ သူတို့လေ့လာခွင့်ရပါတယ်။ ပြည်တွင်းကနေလေ့လာသူတွေလည်း ရှိနေပါတယ်။
တပ်မတော်တွင်း ပြောင်းလဲမှုရှိမရှိဆိုတာက ကာယကံရှင်တွေရဲ့ခံယူချက်နဲ့ ဘေးလူတွေရဲ့အမြင်တွေပေါ်မှာ မူတည်ပါတယ်။ ကာယကံရှင်တွေက အမူအကျင့်ဟောင်းတွေကို ဖက်တွယ်မထားကြဘဲ ကမ္ဘာ့ခေတ်မီ တပ်မတော်တွေကို နမူနာယူပြီး ပရော်ဖက်ရှင်နယ်တပ်မတော် ဖြစ်လာအောင် တစ်ဦးချင်းကစပြီး ကြိုးစား ကြဖို့လိုသလို ဘေးလူတွေ အမြင်မှာလည်း ပြောင်းလဲလာတဲ့ အစိတ်အပိုင်းအလိုက် အသိအမှတ်ပြုပေးဖို့ လိုပါလိမ့်မယ်။ ဘယ်နေရာကြည့်ကြည့် အရင်နဲ့မတူတော့ဘူး ဆိုတဲ့ပြောင်းလဲမှုမျိုးကိုတော့ နောင်နှစ်ကာလ အတန်ကြာမှ တွေ့မြင်လာနိုင်ဖွယ်ရှိတယ်လို့ ယူဆမိပါတယ်။
ကျေးဇူးတင်ပါတယ်။
နေမင်းသူ
တပ်မတော်(ရေ)
No comments:
Post a Comment