ပန်းခင်းလမ်းပေါ် လျှောက်သူတွေနဲ့
လမ်းခုလတ်မှာ ကြုံတွေ့ခဲ့
သူတို့ရဲ့ ဘ၀ သူတို့ရဲ့ အခါကို
အားကျမိသူ “ငါဒုက္ခသည်”
ငါ့လိုလူသား “အိုဒုက္ခသည်”
ပန်းခင်းလမ်းပေါ် လျှောက်သူတွေကို
နောက်လှည့်အားကျနေ၍ မရ
ကိုယ်လျှောက်တဲ့လမ်း ဘယ်လောက်ကြမ်းပါစေ
ကိုယ့်လမ်းကိုယ်သာ လျှောက်ရမည်၊
တခြားသူတွေရဲ့ ဥစ္စာ၊ ဓနတွေ
ချမ်းသာသူတွေရဲ့ ဘ၀ကို ပိုင်ဆိုင်ဖို့
မက်မောတွယ်တာ မနေကြနဲ့၊
ပန်းခင်းလမ်းပေါ် လျှောက်လည်း
နောက်ဆုံး ရောက်လိုရာခရီး အတူတူပဲ၊
အားလုံးလူသား ငါလို မင်းလို
ဆင်းရဲချမ်းသာ အသွင်အမျိုးမျိုး
ရုန်းကန်လှုပ်ရှား ဘ၀အလှဆင်ဖို့
ကြိုးစားတိုင်းလည်း ကံကြမ္မာပေးတဲ့
ဆုံးဖြတ်ချက်ကို လူသားအားလုံး
မငြင်းဆန်ဘဲ လက်ခံရစမြဲ၊
အားလုံးလူသား အိုလူသားတို့
ချစ်ခြင်းမေတ္တာ ရှေ့မှာထား၍
လူသားချင်းစာနာ နားလည်မှုထားခြင်းဖြင့်
ဘ၀ခရီးရှေ့လျှောက်ကြစို့။
ဘိုမင်းအောင်
No comments:
Post a Comment