တွယ်ရာမဲ့ဘဝများ

လှိုင်းလေထန်လှတဲ့ ပင်လယ်ပြင်သရုပ်မှန်ဇာတ်လမ်းတွေထဲမှာ ပါဝင်ကပြသူ၊ ကြုံတွေ့ခံစား ကြရသူတွေရဲ့ စရိုက်မှန်၊ နှလုံးသားရင်ခုံသံလေးတွေကိုမှ ကြားချင်လှပါတယ်ဆိုတဲ့  ကိုဆိုကရေးတီး နဲ့ မိတ်ဆွေများ  အာသီသချင်ခြင်းပြေပါစေတော့ရယ်လို့ ကျနော့သူငယ်ချင်း ရေးပို့လာတဲ့ စိတ်မကောင်းစရာ၊ ကြေကွဲစရာ ဖြစ်ရပ်မှန်လေးကို တင်ပြပေးလိုက်ရပါတယ်ဗျာ…

ကိုနေမင်းသူရေ…

“ခရစ္စမတ်လက်ဆောင်” စာစုလေးကို ဖတ်ပြီးချိန် ကျနော့စိတ်အတွေးထဲမှာ အရိပ်လိုဖြစ်နေတဲ့ မှုန်ပြပြအတိတ် က ပန်းချီကားချပ်လေးတွေကို တရေးရေးပြန်မြင်ယောင်မိလာတယ်… တစ်သက်မမေ့နိုင်စရာ ဘ၀စာမျက်နှာ အပိုင်းအစလေးတွေပေါ့ဗျာ….                       

 ကိုနေမင်းသူက ဗျုဟာ ကနေ (အခုတော့ ဗျုဟာ ၁ / ၂/ ၃ ) အင်း(သူပြောတဲ့“အင်း”ဆိုတာ.. အင်းတော်၊အင်းမ၊အင်းယား စစ်ရေယာဉ်များကိုဆိုလိုတာပါ။ ခုတော့ အင်းတော်နဲ့အင်းယားတို့ပဲ ရှိတော့တယ်။ အင်းမက ရောက်ပြီးအစောပိုင်းကာလကတည်းက ကျောက်စွပ်ပြီး မြုပ်သွားခဲ့တာပါ) စီးခဲ့တာကိုး..

             ကျနော်လည်း ရတနာကို ၁၉၉၃ မှာ ၀င်ဘူးတယ် ၊အောက်ဘက်က Ned Drill Offshore Rig (ရဲတံခွန်)ကုိတော့ ၁၉၉၄ မှာ ၀င်ဘူးတယ် ၊ အပေါ်အထိရောက်ဘူးတယ်ဗျ... ကျနော့်ကို အဲဒီ့အပေါ်ကပြင်သစ် လူမျိုးတွေက Small Soldier လို့တောင် အသိအမှတ်ပြုသွားသေးတယ်.... အမှတ်တရတွေပါဗျာ ။ ကိုနေမင်းသူ ရေးသလို ကျနော်လည်း သင်္ကြန်လက်ဆောင်ရဘူးတယ်ဗျ…။

စစ်ရေယာဉ်-ရန်ကြီးအောင် (၄၂)မှာ နေတဲ့အချိန်ပေါ့...သွားတာက ကိုကိုးကျွှန်း ... အပြန်မှာ ဆန်လှေ ၂

စင်း နဲ့ နွားလှေ ၁ စင်း မိတယ်...။

                 အဲဒီ့ခေတ်က လှေတွေ နဲ့ ဒိုးဇက်သိပ်မကစားဖြစ်သေးဘူး ၊ ဒိုးဇက် ကစားတာထက် ပိုပြီး ၀င်ငွေကောင်းတာလေးတွေ ရှိနေသေးတယ် ၊ ကျနော်ကြုံဖူးသမျှ ဖမ်းမိလှေတွေထဲမှာ... စိတ်မကောင်း အဖြစ်ရဆုံး လှေတစ်စင်း ရှိဘူးတယ်၊  ၉၄ ခုနှစ်အတွင်းမှာပဲ...အဲဒီ့တုန်းက ရန်ကုန်ကနေ အောက်ဂွင်ကို အသွား... လမ်းကြောင်းပေါ်မှာ...ကျနော်က 8 - 12 Main Ward (နီ၊ဖြူ၊ပြာ တာဝန်ကျ တပ်ဖွဲ့အလိုက် ကြည့်ကင်း တာဝန်ထမ်းဆောင်ရချိန်ကို ပြောတာပါ)ကျပြီး Night Tea ဆွဲလိုက်သေးတယ် ၊

ပြီးတော့အိပ်နေတုန်း  အသံတစ်ချို့ကြောင့် လန့်နိုးခဲ့တယ် ၊နာရီကြည့်လိုက်တော့ အိပ်တာ ၂ နာရီတောင် မကြာသေးဘူး ...ပဲ့စင်ပေါ်တက်လာတော့... ရှေ့ကစက်လှေ ရပ်ပါ.. မရပ်ရင်ပစ်မယ်ဆိုပြီး

လှမ်းအော်နေရင်း ဟွန်းပေးနေတဲ့အချိန် ... ဆလိုက်မီး နဲ့ ထောက်ထားတော့လှေကလေးကသေးသေးလေး... တည်နေရာက ထားဝယ်  အပြင်ဘက်လောက်ကျတယ်...မိနစ်ပိုင်းအတွင်းပဲ... လှေက လာကပ်တယ်... လှေသား ၉ ယောက် ၊ လှေစီး ၁၈၄ ယောက် (ကျား + မ + ကလေး+ရင်ခွင်ပိုက်) အစုံပဲ ၊ ခရီးစဉ်က

ကော့သောင်းကနေ... ထားဝယ်အပြန် ၊ အလျား ပေ ၉၀ ၊ အနံ ၁၂ ပေ ၊ ရေစူး ၁၅ ပေလောက်ရှိမယ့် တကယ့် သေးသေးလေး ၊ လှေကို ကြည့်လိုက်ရင်.. လူတွေပဲမြင်ရတယ်၊ ပြွတ်သိတ်နေတာ.. အတွင်းမှာ ၊ ပေါင်းမိုးမှာ . ဦးမှာ ပဲ့မှာတကယ့်လူတွေနဲ့ ပြည့်ထားတဲ့ လှေငယ်လေး... ကျနော်တွေးနေမိတယ် ။ ဒီလူတွေ

ဘာလုပ်တာလဲ....? ဘယ်ကလာတာလဲ….? ဘယ်ကိုပြန်မှာမို့ ပင်လယ်ထဲ ရောက်နေကြတာလဲ….? သူတို့အပျော်ခရီးထွက်လာတာတော့မဟုတ်ဘူး ၊ဘာလုပ်စားကြတာလဲ .....? စီအိုက ဘာလို့ ဖမ်းတာလဲ…? ဆိုတဲ့ အတွေးတွေ အစီအရီပေါ့ဗျာ..။

                မကြာလိုက်ပါဘူး..အဖြေသိရတယ် ၊ လှေဝမ်းထဲမှာကက်ဆက် ၊ အောက်စက် ၊ ပါတိတ် မျိုးစုံ ၊စက်ဘီးတာယာ ၊  မောင်းတိန်းစက်ဘီးတွေ အများကြီး ……လူတွေက ရှမ်းကမ်းမှာ အလုပ်လုပ်ပြီး တစ်ရာသီသိမ်းလို့ပြန်လာတာ ... အကောက်ခွန်မဲ့ ပစ္စည်းတွေပေါ့...။

                အဲ... မိုးလင်းတော့ လူတွေကိုစစ်ရေယာဉ်ပေါ်တင်တယ် ၊ ကလေးတွေ ငိုလိုက်တာမှ ညံနေတာပဲ..လူတွေလည်းများတော့ ပျော်ဖို့တော့ အကောင်းသား... တစ်ယောက်ပြီးတစ်ယောက်

အတိုချုပ်စစ်တယ် ၊ ဘယ်ကလဲ ... ဘာသွားလုပ်တာလဲ.. ဘယ်ကိုပြန်မှာလဲ ..အဖြေတွေကလည်း အစုံ...

အဲဒီ့အထဲမှာ ထိုင်းဘက်ကမ်း ဖန်ဖလား ဘက်မှာ ပြည့်တန်ဆာလုပ်ပြီးပြန်လာတဲ့ မိန်းကလေးတွေက ဆယ် ယောက်ကျော်တယ် ၊ အသက် ၇၈ အဖွားကြီး တစ်ဦး (ရွေ ၁၀ သားလောက်ဘော်လီအကျီ င်္ထဲ ထည့်ပြီး ဖွက်ထားတာ) ကျနော်တို့ ပြန်ပေးလိုက်တယ်... ကလေးတွေက အယောက် ၃၀ လောက်ရှိမယ် ၊။ လူအားလုံးက ထိုင်းဘက်မှာအလုပ်လုပ်ပြီး ပြန်နားကြတာလေ... (မြန်မာပြည်ဘက်မှာ စိုက်ပျိုးစားရင်

ဝမ်းတောင် မ၀ကြတော့ဘူးတဲ့ဗျာ)

                 လှေပေါ်ပါတဲ့ ပစ္စည်းက အများသား ၊ နောက်ဆုံးအနီးဆုံးဖြစ်တဲ့ မလိကျွန်းကို ၀င်အပ်တယ် ၊ လူတွေလည်း ဖမ်းပေါ့ဗျာ... လ၀က ဒဏ်ဆောင်ရင်ပြီးတာပဲ.. ပစ္စည်းအားလုံးက ပိုင်ရှင်မဲ့... မလိ

အိမ်ထောင်သည်လိုင်းက အကုန်ထွက်ပြီး သယ်ကြတာတောင် .. တစ်နေကုန်တယ်ဗျာ..လှေဝမ်းထဲမှာ သာ သိပ်မသိသာတာ...သောင်မှာပုံလိုက်တော့တော်တော်များတယ်...ဒါတွေအားလုံးဟာ..လှေပေါ်မှာပါတဲ့လူတွေပဲ

ဖြစ်ဖြစ်၊ ကုန်သည်တွေရဲ့ ပစ္စည်းတွေပဲဖြစ်ဖြစ် ... မြန်မာပြည်သူတွေရဲ့ ချွှေး ၊ သွေး၊ အသက်တွေနဲ့ ရှာထားတဲ့.. အပူစာတွေပါဗျာ..ထိုင်းကပစ္စည်းကို အလကားရတာမဟုတ်ဘူး၊ လက်ဆောင်ပေးလိုက်တာ မဟုတ်ဘူး ၊ ကိုယ့်ဆီကရှိတာလေးရင်းပြီး ၀ယ်လာခဲ့ရတာ..

                 မေးကြည့်မိတော့ အဲဒီလောက်..များတဲ့လူတွေကြားထဲ ညဦးပိုင်း လှေပေါ်မှာကလေးမွေး သေး တယ်တဲ့... ကျနော့ရဲ့ခံစားချက် ထိပ်ဆုံးရောက်တဲ့အချိန်... ကလေးက မွေးပြီး မကြာခင်ဆုံးသွားပြီး၊ ရေထဲချ လိုက်တယ်တဲ့... မကြာပါဘူး ....စစ်သင်္ဘောရောက်လာတာပါတဲ့...

                နောင်တစ်ခေတ်ရဲ့အောင်စစ်သည်၊ အနာဂတ်ရဲ့စစ်ခေါင်းဆောင်.…ဘာတစ်ခုမှဖြစ်မသွားလိုက်ရ တဲ့..  လူဘ၀ကို မိနစ်ပိုင်းဝင်လာလိုက်တဲ့ မြန်မာနိုင်ငံသားလေး... သူ့ခမျာ.. သူ့အမေ၀မ်းထဲမှာနေလိုက်တုန်း .. ထိုင်းတွေရဲ့ နှိပ်စက်မှု ၊ လူမဆန်မှုတွေကိုဗိုက်ထဲကကြားပြီး တော်တော်လန့်သွားသလား ၊ ဘ၀ဆက်တိုင်း မြန်မာပြည်က ၀မ်းထဲမ၀င်တော့ပါဘူး ဆိုတဲ့ ဆုတောင်များတောင်းခဲ့မိလေသလား...မြန်မာပိုင်နက် ထဲရောက် တော့မှ ကျဆုံးရလေသလားကွယ်... ကလေးအမေကလည်း ဘာလို့စောစောစီးစီး မပြန်တာလဲ..ကိုယ်ဝန်နဲ့ဆို လေယာဉ်တောင် ၇ လအထိပဲ စီးခွင့်ရှိတာ.. ပင်လယ်ခရီးကို ဘယ်လိုပုံစံနဲ့ နောက်ဆုံးအချိန်ကျမှ

ပြန်ဖြစ်တာလဲ... သူ့ မိဘတွေလက်ထဲမှာ မျက်နှာမြင်မယ်လို့ တွေးပြီးပြန်ခဲ့လေသလား...

                  ဖမ်းမိလှေပေါ်မှာ ထမင်းမချက်ရတော့ ..ခရီးသည်တွေအားလုံး ရယ်ဒီမိတ်လေးတွေ  လွေးကြတာပေါ့... ကလေးတွေက သောက်ရင် ပက်စီ ၊ ကျွဲရိုင်း ၊ စပွန်ဆာ ၊ စားရင် ခေါက်ဆွဲခြောက်ထုတ်ကို

ပဲလှော်ဝါးသလိုစားတာ... ကျနော်လည်း အဲဒီ့အချိန်ကျမှ ဒီလိုစားလို့ရပါလားဆိုတာ သိခဲ့ရတယ်….

ကျနော်... အတွေးပေါင်းများစွာနဲ့... ကျနော်တို့ စစ်ရေယာဉ်ပေါ်က လူတွေကလည်းစိတ်မကောင်းခြင်း များစွာနဲ့. ... ကျနော်တို့ ရေယာဉ်က လူတွေ ဘာတစ်ခုမှ မယူဘူးဗျာ. (အံ့သြဖို့ ဘယ်လောက်ကောင်း လိုက်လဲ) ၊ မလိ ရှေ့တန်းစခန်းကတော့ ကျွန်းလုံးကျွတ်ထွက်ပြီး သယ်နေကြတာများ ... Working Party (လုပ်အားပေး) လုပ်ရတဲ့မျက်နှာတွေနဲ့ တစ်ခြားစီ.. .ကျနော်တို့ ရေယာဉ်က လူတွေကို မလိကျွှန်းမှ လှိုက်လှဲစွာ ကြိုဆိုပါတယ်ဆိုပဲဗျာ....နောက်ဆုံး ကျွန်းစီအို(ကျွန်းစခန်းမှူး)က လက်ဆောင်ပြန်ပေးပါတယ်တဲ့... ပါတိတ် တစ်ထုပ်ပါ.. နောက် တစ်ရက်မှာ မလိကနေ ခွာတယ် ၊ ဇာဒက်ကြီးကို ဦးတည်မောင်းနေတုန်း...

မကြာခင်.. သဘောင်္ပေါ်မှာ တန်ပူလာ(ရေတပ်က အရာရှိ/စစ်သည်များ အပျော်တမ်းကစာလေ့ရှိသော ကစားနည်းတစ်မျိုး)ကစားတော့..ကျနော် ဂိန်းတယ်...

ရတဲ့ ဆုက… ရွေပါတိတ်  ၁ ထည်....

………………………………………………………………………………………………………………………..

အရောင်တူ အသွင်တူ အဖွဲ့အစည်းတစ်ခုတည်းအတွင်းမှာ တာဝန်ထမ်းဆောင်သူချင်းအတူတူ စိတ်စေတနာနဲ့ ပြုမူလုပ်ဆောင်ပုံ မတူကွဲပြားမှုရှိနေတာကို ခွဲခွဲခြားခြား မြင်တတ်ကြပါစေ…။

တဆင့်တင်ပြပေးသူ…

နေမင်းသူ