Friday, February 22, 2013

ဒါမှ….. တကယ့်စစ်သား



 by Seaman Nayminthu on Friday, February 22, 2013 at 11:18am ·
အားလုံး တသဘောတည်း အညီအညွှတ်မဟုတ်တဲ့တိုင် သန်ရာသန်ရာ ဖွင့်ဆိုချက်တွေကို ယေဘူယျ ကောက်ချက်ဆွဲ ကြည့်မယ်ဆိုရင်….

Saturday, February 9, 2013

ပစ်မှတ်ကို ထိအောင်ပစ်ပါ





 တပ်မတော်နဲ့ပတ်သက်ပြီး ခေတ်အလိုက် မျိုးဆက်အလိုက် တဦးချင်းအလိုက် အကန့်လေးတွေ ပိုင်းခြားပြီး မြင်စေချင်ပါတယ်။

Thursday, February 7, 2013

အတိုက်အခံပါတီဝင်ကို ပထမဆုံးအကြိမ် အစိုးရက ဒုဝန်ကြီးခန့်

NDF အမျိုးသားဒီမိုကရေစီတပ်ပေါင်းစု အမျိုးသားလွှတ်တော် အမတ် ဒေါက်တာတင်ရွှေ ကို ဟိုတယ်နဲ့ ခရီးသွားလာရေးဆိုင်ရာ ဒုတိယ၀န်ကြီးအဖြစ် ခန့်အပ်လိုက်တဲ့အကြောင်း မြန်မာအစိုးရ က ကြေညာပါတယ်။ အင်္ဂါနေ့တုန်းက သမ္မတ ဦးသိန်းစိန် ကနေ သူ့အစိုးရအဖွဲ့အတွက် ဒုဝန်ကြီး ၅ ဦး ကြေညာသွားရာမှာ တဦးအပါအ၀င်ဖြစ်ပါတယ်။

မြန်မာအစိုးရ သမ္မတ ဦးသိန်းစိန်အနေနဲ့ အတိုက်အခံပါတီ အမတ်တယောက်ကို အစိုးရအဖွဲ့အတွင်း ပထမဆုံးအကြိမ် ၀န်ကြီးအဖွဲ့ဝင်အဖြစ် လက်ခံလိုက်တာဖြစ်ပါတယ်။ ဒေါက်တာတင်ရွှေ ဟာ ရန်ကုန်တိုင်းဒေသကြီး အမျုိုးသားလွှတ်တော် မဲဆန္ဒနယ်မြေ အမှတ် ၆ က ရွေးကောက်ပွဲ ၀င်ခဲ့သူ ဖြစ်ပါတယ်။

NDF ပါတီကတော့ အခုလို ပါတီဝင်တယောက် ၀န်ကြီးအဖွဲ့မှာ ပါဝင်လာအောင် အစိုးရနဲ့ တစုံတရာ ကြိုတင်ညှိနှိုင်းတာမျိုး မရှိခဲ့ဘူးလို့ ပြောဆိုတာကို AFP သတင်းမှာ ဖော်ပြထားပါတယ်။ ဒီလို ပါတီဝင်တယောက် အစိုးရအဖွဲ့မှာ ပါဝင်လာတဲ့အတွက် အစိုးရပြောသမျှ လိုက်နာမယ့် သဘောမျိုး ဖြစ်မှာမဟုတ်ဘဲ၊ အတိုက်အခံပါတီတခုအနေနဲ့ ပြည်သူတွေ လက်မခံတဲ့ကိစ္စတွေကို ဆက်ပြီး ဆန့်ကျင်သွားမယ်လို့လည်း NDF ပါတီခေါင်းဆောင် ဦးခင်မောင်ဆွေက ပြောပါတယ်။

NDF ပါတီဟာ ၂၀၁၀ ခုနှစ်ရွေးကောက်ပွဲအတွင်း NLD ဗဟိုအလုပ်အမှုဆောင် အဖွဲ့ဝင်ဟောင်း ဒေါက်တာသန်းငြိမ်းနဲ့ ဦးခင်မောင်ဆွေတို့ ဦးစီးပြီး ရွေးကောက်ပွဲဝင်ဖို့ သီးခြားထူထောင်ခဲ့တဲ့ ပါတီဖြစ်ပါတယ်။

VOA

"ပြည်တွင်းလုပ်သားများအား တစ်ရက်လျှင် လေးဒေါ်လာ အနိမ့်ဆုံးပေးရန် တောင်းဆိုမည်"

ပြည်တွင်းရှိ လုပ်သားများအား အသစ်ထပ်ဝင်လာမည့် ပြည်ပရင်းနှီးမြှုပ်နှံသူတို့က တစ်နေ့အနိမ့်ဆုံးလုပ်ခ တစ်ရက်လျှင် ၄ ဒေါ်လာအထိပေးရန် တောင်းဆိုသွား မည်ဟု ရင်းနှီးမြှုပ်နှံမှုကော်မရှင်ဥက္ကဋ္ဌက ပြောသည်။

ကျွမ်းကျင်မှုအလိုက် လုပ်အားခကို ၄ ဒေါ်လာ သတ် မှတ် ပေးရန် ပြောဆိုမည်ဖြစ်ပြီး အမှန် တကယ်ပေးရန်လည်း တွန်းအား ပေးသွားမည်ဟု ၄င်းက ဆို သည်။

”မလုပ်လို့ မရဘူးလေ။ ဒီလို ပဲ လုပ်ပေးရမှာပေါ့။ ၃ ဒေါ်လာ၊ ၃ ဒေါ်လာခွဲ ဒီလိုနဲ့ တိုးတိုးပြီး တောင်းလာရမှာပေါ့။ လုပ်သားတွေ အကျိုးရှိတဲ့ အလုပ်တွေ ပေးတဲ့ ပြည်ပ ကုမ္ပဏီတွေကို များများ ဖိတ်ခေါ်ရမှာပေါ့” ဟု ရင်းနှီးမြှုပ် နှံမှု ကော်မရှင် ဥက္ကဋ္ဌ က ဆက် ပြောသည်။ ပြည်ပ ရင်းနှီးမြှုပ်နှံသူတို့ က မြန်မာ့အခြေခံ လုပ်သားတို့ အပေါ် လစာနှိမ်ပေး မှုကြောင့် ၂ဝ၁၂ ခုနှစ် အတွင်းက စက်ရုံ အတွင်း ဆန္ဒပြမှု ၁ဝဝဝ ကျော်၊ လမ်းမပေါ် ခွင်ပြုမိန့်ဖြင့်ဆန္ဒပြမှု ၄ ကြိမ်ရှိခဲ့ သည်။အလုပ်သမားရေးရာ တက် ကြွလှုပ်ရှားသူ ဦးကျော်မင်းကMIC ဥက္ကဋ္ဌ အနေဖြင့် ဆောင် ရွက် ပေးမည် ဆိုပါက ကြိုဆိုရမည် ဖြစ်သော်လည်း မှန်၊ မမှန်ကို စောင့် ကြည့်မည်ဟု ပြောသည်။ ”အခု ဒီမှာ လစာက အနိမ့် ဆုံးကို ကျပ် လေးသောင်းရှိတယ်။ ကျပ် ငါးသောင်း ရှိတယ်။ ပုံမှန် မရှိဘူး။ တစ်ပြေးညီ စံနှုန်းတစ်ခု ဖြစ်ရင် ကောင်းတာပေါ့” ဟု ဦး ကျော်မင်းက ပြော သည်။ အလုပ်သမား ဝန်ကြီးက အခြေခံ လုပ်သား လစာကို ယာ ယီအားဖြင့် ကျပ် ၅၆၇ဝဝ သတ် မှတ်ထားသည်ဟု စာရင်းများအရ သိရသည်။

PN-051


Credit to :Popular Myanmar News Journal

7th February (11:00 am) Exchange Rate

FEC >> Buy 856 ~ Sell 860
USD >> Buy 856 ~ Sell 860
SGD >> Buy 690 ~ Sell 695
EURO >> Buy 1150 ~ Sell 1160

By AGD Bank (အာရှစိမ်းလန်းမှုဖွံ့ဖြိုးရေးဘဏ်လီမိတက်)

တပ်မတော်သားတွေ ထိုက်တန်တဲ့ ရပိုင်ခွင့်နဲ့ တာဝန်ယူမှုတွေ ရှိဖို့လို


အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်း စုကြည် က တပ်မတော်သားတွေအနေ နဲ့ နိုင်ငံ့တာဝန်တွေကို ကျေပွန်စွာ ထမ်းဆောင်နိုင်ရေးအတွက် ထိုက်တန်တဲ့ ရပိုင်ခွင့်တွေရရှိဖို့ လိုအပ်တယ်ဆိုတဲ့အချက်ကို သူလက်ခံကြောင်းနဲ့ တပြိုက်နက်မှာ တပ်မတော်ဖက်ကလည်း တာဝန်ယူရမယ့် အပိုင်းရှိကြောင်း ပြောကြားလိုက်ပါတယ်။

ဖွံ့ဖြိုးတိုးတက်တဲ့ ကမ္ဘာ့နိုင်ငံတွေမှာ နိုင်ငံတော်လုံခြုံရေးအတွက် အသက်ပေးထမ်းဆောင်နေကြတဲ့ တပ်မတော်သားတွေကို ထိုက်တန်စွာ ဂုဏ်ပြုတဲ့အနေနဲ့ ပညာသင်ကြားခွင့်၊ အလုပ်အကိုင် ဦးစားပေးမှု စသဖြင့် ရပိုင်ခွင့် အများအပြား ပေးထားတာနဲ့ ပတ်သက်ပြီး RFA က မေးမြန်းရာမှာ ဒေါ်အောင်ဆန်းစုကြည် က အခုလို ပြောဆိုလိုက်တာ ဖြစ်ပါတယ်။

ဒါ့အပြင် မြန်မာနိုင်ငံကို ကမ္ဘာ့ဘဏ်နဲ့ နိုင်ငံတကာ ငွေကြေးရံပုံငွေအဖွဲ့ အပါအဝင် နိုင်ငံတကာ အဖွဲ့အစည်းတွေက ကူညီပံ့ပိုးမယ့်ကိစ္စမှာ တကယ်ထိရောက်တဲ့ အကူအညီတွေရရှိအောင် မိမိတို့ဖက်ကလည်း စံနစ်တကျ တင်ပြနိုင်ဖို့လိုတယ်လို့ ဒေါ်အောင်ဆန်းစုကြည် က ပြောပါတယ်။

မိမိတို့နိုင်ငံရဲ့ လက်ရှိအရေးကြီးဆုံး လိုအပ်ချက်ကတော့ ပြည်သူတွေအတွက် အလုပ်အကိုင်တွေ ဖန်တီးပေးဖို့ဖြစ်တယ်လို့လည်း ဒေါ်အောင်ဆန်းစုကြည် က ပြောဆိုခဲ့ပါတယ်။

Tuesday, February 5, 2013

ပြည်ထောင်စုငြိမ်းချမ်းရေးကော်မတီနှင့် ကေအိုင်အို/ကေအိုင်အေ တို့၏ ပူးတွဲထုတ်ပြန်ကြေငြာချက်


၁။ ပြည်ထောင်စုငြိမ်းချမ်းရေး လုပ်ငန်းကော်မတီ ဒုဥက္ကဋ္ဌ ပြည်ထောင်စုဝန်ကြီး ဦးဆောင်သော ကိုယ်စားလှယ်နှင့် ကချင်လွတ်မြောက်ရေး အဖွဲ့ KIO ဆွေးနွေးရေးအဖွဲ့တို့သည် ၂၀၁၃ ခုနှစ် ဖေဖော်ဝါရီလ ၄ ရက်နေ့ နံနက် ၉ နာရီအချိန် တရုတ်နိုင်ငံ ရွှေလီမြို့တွင်တွေ့ဆုံ ဆွေးနွေးခဲ့ပြီး ၁၆ နာရီ ၁၅ မိနစ်အချိန်တွင် ပြီးဆုံးခဲ့ပါသည်။
၂။ ယခုဆွေးနွေးပွဲတွင် တရုတ်ပြည်သူ့သမ္မတ နိုင်ငံ နိုင်ငံခြားရေးဝန်ကြီးဌာနမှ သံအမတ်ကြီး မစ္စတာ လျိုကျောက်ဝေ့၊ ကရင်အမျိုးသား အစည်းအရုံး ဥက္ကဋ္ဌ ဗိုလ်ချုပ်ကြီး စောမူတူးဆေးဖိုး၊ အထွေထွေအတွင်းရေးမှူး ပဒိုစောကွယ်ထူးဝင်းနှင့် အဖွဲ့ဝင် တစ်ဦး၊ ရှမ်းပြည်ပြန်လည်ထူထောင်ရေးကောင်စီ RCSS/SSA မှ ဗိုလ်မှူးချုပ် စိုင်းလူနှင့် အဖွဲ့ဝင် ၂ ဦး၊ ဦးဟန်ညောင်ဝေနှင့် အခြား သက်သေတစ်ဦးတို့က တက်ရောက်ခဲ့ကြသည်။
၃။ ယခုဆွေးနွေးပွဲတွင် နှစ်ဦးနှစ်ဖက် ဆက်သွယ်ရေးလမ်းကြောင်း ထားရှိရေး၊ နှစ်ဘက် စစ်ရေးတင်းမာမှုများ လျှော့ချနိုင်ရေး၊ နောက်တစ်ကြိမ်ဆွေးနွေးပွဲတွင် လေ့လာသူများနှင့် သက်သေများ အဖြစ် ပါဝင်နိုင်သည့် အဖွဲ့အစည်းများအား ဖိတ်ခေါ်ရေးတွေကို ဆွေးနွေးခဲ့ကြပါသည်။
၎။ နောက်တစ်ကြိမ်ဆွေးနွေးပွဲကို KIA အဖွဲ့အစည်းအနေဖြင့် UNFC နှင့် ညှိနှိုင်းပြီးနောက် ဖေဖော်ဝါရီလမကုန်မီကျင်းပရန်နှင့် အစိုးရနှင့် KIO အကြား နိုင်ငံရေးဆွေးနွေးပွဲများကို ဆက်လက်ကျင်းပသွားကြရန်သဘောတူကြပါသည်။
၅။ အစိုးရနှင့် KIO အကြား ခိုင်မာသော စစ်ပြေငြိမ်းရေးကို အလျင်အမြန် အကောင်အထည်ဖော်နိုင်ရန် ပဋိပက္ခဖြစ်ပွားရာနေရာများးကို လေ့လာ စောင့်ကြည့် စီစစ်ရေး စနစ် ပေါ်ပေါက်ရန် ဆက်လက်ဆွေးနွေး ဆောင်ရွက်သွားရန် သဘောတူညီကြသည်။

၆၆ နှစ်မြေက်ပြည်ထောင်စုနေ့ နှင့် ၉၈ နှစ်မြောက် ဗိုလ်ချုပ်မွေးနေ့ အထိမ်းအမှတ်

ယခုလာမည့် ဖေဖေါ်ဝါရီလ ၁၂ ရက်နေ့ နှင့် ၁၃ ရက်နေ့ ၂၀၁၃ ခုနှစ်တွင် 
ကျရောက်မည့် ၆၆ နှစ်မြောက် ပြည်ထောင်စုနေ့နှင့် ၉၈ နှစ်ပြည့် ဗိုလ်ချုပ်အောင်ဆန်း၏ 
မွေးနေ့ တို့အား ဂုဏ်ပြုသောအားဖြင့် မိမိတို့မှ မြဝတီမြို့တွင် 
သွေးလှူဒါန်းပွဲ တရပ်အား ကျင်းပပြုလုပ်သွားမည် ဖြစ်ပါသည်။

သို့ဖြစ်ပါ၍ စိတ်ပါဝင်စားသူများနှင့် ပူးပေါင်းပါဝင်ဆောင်ရွက်လိုသူများအနေဖြင့် 
မိမိတို့ တပ်နှင့် ပြည်သူ အယ်ဒီတာဝိုင်းတော်သားများနှင့် ဆက်သွယ်နိုင်ပါကြောင်း 
သတင်းကောင်းပါးအပ်ပါသည်။

ဆက်သွယ်ရန်

ဗိုလ်စောရဲထက်
မြဝတီဆက်ဆံရေးရုံး (တွဲဖက်)၊ ကလိုထူးဘောအခြေချစစ်ဗျူဟာ
ဒီမိုကရေစီအကျိုးပြုကရင်အမျိုးသားတပ်မတော်၊ ကလိုထူးဘော D.K.B.A
ဖုန်း - ၀၈၉၆၇၆၈၂၂၃(ထိုင်း)၊ ၀၉၄၂၅၀၀၄၉၆၂(မြန်မာ)
အီးမေလ်း - yekodomo1500@gmail.com, armynpeople@gmail.com

Ads 468x60px

Featured Posts